Axel Johansen (1872-1938)

oriel arlein (agorir ffenest newydd)

Axel Johansen oedd un o brif arlunwyr Denmarc yn ei oes, arddangoswyd ei waith yn rheolaidd yn y cyfwerth i'r 'Royal Academy'. Ei wyres yw Marianne Thune Haycock sy'n byw ym Meidrim ger Caerfyrddin ac sy'n arlunydd o'r un tras.

Ganwyd Axel yn Roskilde, Denmarc, ar 23 Ionawr 1872. Bwrodd ei brentisiaeth gyda'r arlunwyr adnewyddu Mollmand a'i Gwmni yn Copenhagen. Yma y gwelwyd talentau Axel fel arlunydd a chrefftwr, ac yma y cyfarfu â'r Athro August Jerndorff - un o brif arlunwyr Denmarc ar y pryd.

Y Lanfa

Gofynnodd yr Athro i Axel ei gynorthwyo gydag adnewyddu prif neuadd Prifysgol Copenhagen - profiad a fyddai'n werthfawr iddo bellach ymlaen yn ei yrfa.

Wedyn, astudiodd am bedair blynedd yn yr Athrofa Gelf Frenhinol yn Copenhagen, ac o hynny ymlaen roedd ei lwybr yn glir. Teithiodd i'r Eidal yn 1905; yn 1912 roedd yn yr Almaen gan ddychwelyd i'r Eidal ac ymweld â Ffrainc yn 1921.

Yn 1909, arbrofodd Johansen gyda sment lliw yn 'Sonnes Frieze' yn Amgueddfa Thorvaldsens yn Copenhagen. Yn 1936, datblygodd dechneg a ddaeth yn sylfaen ar gyfer comisiwn o adnewyddu'r Frieze yn gyfangwbl, gan orffen y llawr cyntaf cyn ei farwolaeth yn 1938: VaedderkØrselsfrise a'r ddau balmwydd.

Paentiodd ystod eang o destunau, yn enwedig ei gariad at y môr a llongau. Golygfeydd o Copenhagen yw mwyafrif ei waith, yn enwedig yr harbwr a'r môr. Roedd hefyd yn arlunydd portreadau heb ei ail.

Yn 1929, daeth yn 'U.C.' sef y cyfwerth i'r 'RA' Prydeinig.

Mae gan deulu brenhinol Denmarc gasgliad eang o'i waith.

Cyswlltt: ph@orielgorwel.com
Gweler detholiad o waith Axel Johansen ar oriel arlein