Helen Elliott

oriel arlein | prynu gwaith |

"Rwyf wrth fy modd yn paentio tai a phentrefi, ambell dro gyda chymeriadau ac yn aml iawn, fy nghi, Minnie. Mae fy narluniau bob tro yn olygfeydd lleol o fewn 50 milltir i'm cartref yn Sir Gaerfyrddin, ac er fy mod yn addasu, rwyn ofalus i gynnwys manylion cywir e.e. y math o do, sawl simdde, marciau'r ffordd ac ati. Oherwydd hyn, mae pobl yn dweud yn aml 'Rwyn adnabod y lle yna…' ond mae gan fod fy arddull yn addasu ei golwg ohonno, yn y pendraw, clywaf '… ie, y lle yna yw e'.

"Dyma'r rhan orau o arddangos fy gwaith - rwyn gwybod fy mod wedi cyflawni rhesymau y rhan fwyf o arlunwyr dros baentio, sef cyfathrebu ar lefel emosiynol y teimladau a gysylltir â lle neu flodau neu berson."

"Nid wedi derbyn hyfforddiant ffurfiol, ond mewn dosbarthiadau nos gydag athro rhagorol - Roger Young - fe'm hanogwyd i ddatblygu fy arddull 'diniwed' i fynegi fy mwriadau. Yn yr ysgol, nid oedd hawl gennyf i gymryd celf am nad oeddwn yn 'paentio'n iawn'. Bendith oedd hynny mewn gwirionedd wrth i fi sylweddoli y gellir fod wedi addysgu'r weledigaeth 'allan' ohonof ac ni fyddwn wedi mwynhau paentio.

"Hwyl a sbri yw fy ngwaith - rwyn hapus wrth baentio gan obeithio bod pobl yn hapus wrth edrych arnynt. Mae gormod o boen a straen yn y byd, gyda llawer ohonno'n deillio o 'feddwl gormod', yn fy marn i. I fwynhau fy narluniau, dim ond edrych a theimlo sydd ei angen - does dim angen dehongli … onibai bod y gwyliwr eisiau gwneud hynny, wrth gwrs.

"Bum yn paentio'n broffesiynol ers tua 2000, ac rwyn hapus - ac yn synnu - bod mwy a mwy o alw am fy ngwaith. Ar hyn o bryd, mae gennyf ddarluniau yng Nghymru, gweddill gwledydd Prydain, Awstralia, America a'r Almaen, a gellir gweld fy ngwaith mewn orielau yn lleol ac yng Nghaerdydd."

Cyswllt: helenelliott@orielgorwel.com
Gweler detholiad o waith Helen yn ei oriel arlein
Gwefan Helen ei hun yw www.helenelliott.net